Ал ортодо Улуттук коопсуздук боюнча мамлекеттик комитети эгер Бабанов Кыргызстанга келе турган болсо мыйзамга ылайык жоопкерчиликке тартыла турганын айткан. УКМК Бабановго эки кылмыш иши козголгонун эскертти. Биринчисинде, улут аралык кастыкты козутуу боюнча айып тагылса, экинчисинде, бийликти күч менен басып алмакчы болгон деп күнөөлөнгөн.
Өмүрбек Бабанов үйүнө барып, жакындары менен жолукканын депутат Мирлан Жээнчороев Twitter баракчасына жазды.
Всем спасибо! Бабанов О.Т. у себя дома. Нашей стране спокойствия и благополучия! pic.twitter.com/L7R7qnEAj4
— Mirlan K. ZHEENCHOROEV (@MZheenchoroev) August 9, 2019
Кабарчыбыздын айтымында, аэропорттун кире беришинде унаа тыгын пайда болду.
Өмүрбек Бабановду аэропорттон депутаттар да тосуп алышты
Бабанов чурулдуп жаткан элди тынчтандырууга аракет кылды.
"Урматтуу элим, сабырдуулукка чакырам, келгиле, тынчтаналы. Сабырдуулук баарын жеңет. Мени эч ким текшерген жок. Кечээ күнү УКМК жарыя бергенин уктум. Мен мыйзамдуу жолдо жүргөм. Эң негизгиси, Кыргызстандын бүтүндүгүн сактайлы. Элибизге бакубат жашоо алып келүүгө аракет кылышыбыз керек. Мени күтүп алганыңарга ыраазымын, сиздерге таазим этем", - деди ал.
Бабановдун тарапташтары "Ураа" деп кыйкырышууда.
Өмүрбек Бабанов машинадан чыгып, эл менен учурашты.
Бабановду тосом деп келгендердин саны өсүүдө
"Манас" аэропортунун алдына чогулган эл
— Макс Элебесов (@definition45) August 9, 2019
Жеринде 200гө чукул киши жүрөт. Көпчүлүгү жаштар, бирок арасында аялдар дагы бар.
"Республика — Ата Журт" фракциясынан Жогорку Кеңештин депутаты Мирлан Жээнчороев бир нече пикирлештери менен биргеликте Өмүрбек Бабановду "Манас" аэропортунан күтүп жатканын билдирди. Анын айтымында, экс-депутат Бишкекке кайтып келерин алдын ала мурдагы партиялаштарына айткан.
