БИШКЕК, 28-июл. — Sputnik. Ысык-Көлгө коюлган "Коопсуз шаардын" камераларын белгисиз бирөөлөр талкалап кетишкенин окуянын күбөсү билдирди. Атайын коюлган техникалардын зымдары чубалып, тетиктери жерге түшөйүн деп жатканын видеого тартып алган.
Аны "Короче" Telegram-каналы жарыялады.
Ысык-Көл облустук ИИБдин маалымат кызматы Түп районунун Балбай айылына коюлган камералар талкаланганын тастыктады. Бирок ал "Коопсуз шаарга" эч кандай тиешеси жок. Аны төрт жыл мурда райондук милициянын демилгеси менен коюшкан. Учурда камераларды ким талкалап кеткенин тактап жатышат.
