БИШКЕК, 28-июл. — Sputnik. Кыргызстандын, Өзбекстандын жана Тажикстандын куткаруу кызматтары алгачкы ирет Баткен облусунда биргелешкен окуудан өтөт. Бул туурасында Sputnik Өзбекстан маалымат агенттиги ӨКМге шилтеме берип жазды.
Маалыматта машыгуу сентябрда өтөрү айтылды. Анда үч өлкөнүн куткаруучулары табигый жана техногендик мүнөздөгү өзгөчө кырдаалдарды чечүүдө биргелешип иш алып баруу жолдорун иштеп чыгышары айтылды.
Учурда үч өлкөнүн адистери алдыдагы окуунун сценарийин иштеп чыгууда.
