БИШКЕК, 18-июл. — Sputnik. 19-июлда Ысык-Көл, Нарын облустарынын айрым жерлеринде, Чүй, Ош жана Жалал-Абаддын тоолуу өрөөндөрүндө өткүн өтүп, күн күркүрөшү мүмкүн. Бул тууралуу Кыргызгидромет маалымдады.
Түштүк-чыгыштан соккон шамалдын ылдамдыгы секундасына 5-10 метрге жетет.
Билдирүүгө ылайык, абанын температурасы Чүй, Ош, Баткен жана Жалал-Абад облустарында +33…+38 градус ысык болот.
Ысык-Көл жана Нарын жергесинде +27…+32 градус болсо, Таласта күндүн табы +32…+37 грудуска чейин көтөрүлөт.
Ал эми Бишкек жана Ош шаарларында күн ачык болуп, абанын температурасы +36…+38 градуска жетет.
