Чүй облусунун дыйканчылык аймактарында
Абанын айлык орточо температурасы көп жылдык климаттык норманын чегинде болуп +22…+24 градус, Кемин өрөөнүндө жана тоо этектериндеги райондордо +15…+17 градус жылуу болот.
![Жайдын акыркы айы кандай болот? Августка карата аба ырайы Жайдын акыркы айы кандай болот? Августка карата аба ырайы - Sputnik Кыргызстан](https://sputnik.kg/img/104507/26/1045072625_0:0:914:459_600x0_80_0_0_ac3ad6538e24721095385d91c34a8d03.jpg)
Ай ичинде абанын температурасы түнкүсүн +15…+20 градус жылуулуктун тегерегинде болуп, күндүз +25…+30 градус ысыктан +32…+37 градус ысыкка чейин өзгөрүлүп турушу мүмкүн.
![Жайдын акыркы айы кандай болот? Августка карата аба ырайы Жайдын акыркы айы кандай болот? Августка карата аба ырайы - Sputnik Кыргызстан](https://sputnik.kg/img/104507/26/1045072663_0:0:918:449_600x0_80_0_0_f2bb03dd7cff82ac5c3c7320dbd5dde1.jpg)
Жаан-чачындын айлык көлөмү көп жылдык норманын чегинде болушу күтүлөт (Чүй өрөөнүндө 11-18 мм, тоо этектериндеги райондордо 30-31 мм).
Талас облусунун дыйканчылык аймактарында
Абанын айлык орточо температурасы +18…+20 градустун тегерегинде болот. Ошол эле учурда күндүз +25...+30 градус ысык болсо, түнкүсүн +10...+15 градус жылуу болушу күтүлөт.
Ош, Жалал-Абад жана Баткен облустары
Орточо айлык температура +23…+25 градус ысык болот. Түнкүсүн +15...+20 градус жылуу болсо, күндүз +31...+36 градуска чейин ысыйт. Тоо этектериндеги райондордо ай ичинде абанын температурасы түнкүсүн +10…+15 градус, күндүз +25…+30 градус ысыктын тегерегинде болот. Жаан-чачындын көлөмү нормадан ашпайт.
Ысык-Көл облусу
Ысык-Көлдө августта абанын айлык орточо температурасы +16...+18 градустун тегерегинде болот. Түнкүсүн +10…+15 градус жылуу болсо, күндүз +20…+25 градус ысык болот. Ашыкча жаан-чачын деле күтүлбөйт.
Нарын облусу
Нарын облусунун дыйканчылык аймактарында абанын орточо температурасы +16...+18 градустун тегерегинде сакталат. Түндө +6…+11 градус жылуу болсо, күндүз +20…+25 градуска чейин ысыйт. Бирок август айы жаанчыл болот.