Парламенттин жалпы жыйынында Алмазбек Атамбаев экс-президент статусунан ажыратылды. Ага 103 депутат макул, 6 депутат каршы болгон.
Атамбаевдин экс-президент макамынан ажыратуу аракети күчөгөндөн кийин коомчулуктун бир бөлүгү — мурдагы президенттин тарапташтары, саясаттагы үзөңгүлөштөрү нааразылыгын билдирип, "элдик штаб" түзгөндүгүн жарыялашкан.
Ал Атамбаевдин Аламүдүн районундагы Кой-Таш айылындагы жаңы салынган үйүнүн аймагында түзүлгөн. Ал жерге 26-июндан баштап тарапташтары чогулуп, прес-борбор ачылып, журналисттер Кой-Таштагы абалды чагылдырып жүрөт.
Sputnik Кыргызстан Кой-Таштагы абалды окурмандарга тексттик түз алып берүү менен баяндап бермекчи.
