БИШКЕК, 1-июн. — Sputnik. 2-июнда көпчүлүк аймактарда жаан жаап, күн күркүрөшү, бийик тоолуу райондордо кар жаашы күтүлөт. Бул тууралуу Кыргызгидромет маалымдады.
Чүй облусунун тоо этектеринде жана тоолуу райондорунда, Ош, Жалал-Абад, Баткен облустарынын кээ бир райондорунда жана Ысык-Көл облусунун чыгышында жаан-чачын катуу жаашы күтүлөт. Батыштан соккон шамалдын ылдамдыгы секундасына 4-9 метрден, кээ бир райондордо 17-22 метрге чейин жетет.
Маалыматка ылайык, абанын температурасы Чүй жана Талас өрөөндөрүндө +22…+27 градус, Ош, Жалал-Абад, Баткен облустарында +25…+30, Ысык-Көл жана Нарын аймактарында +19…+24 градус жылуу болот.
Ал эми Бишкек жана Ош шаарларында мезгил-мезгили менен жаан жаап, күн күркүрөшү күтүлөт. Күндүн табы Ошто +28...+30, Бишкекте +24…+26 градуска жетери айтылды.
