БИШКЕК, 24-май — Sputnik. Улуу Британиянын премьер-министри Тереза Мэй Консервативдик партиянын лидерлигинен кетип жатканын жар салды. Бул кадамы менен ал өкмөттүн башчылыгынан да кетерин ВВС жазды.
"Брекзитти ишке ашыра албай калганыма катуу өкүнөм. Элдин эркин аткаруу үчүн болгон күчүмдү жумшадым. Тилекке каршы, бул колумдан келбеди", — деди ал маалымат жыйын учурунда.
Мэйдин сөз сүйлөп жатып жашып кеткен учуру ВВС телеканалынын видеосуна түшүп калган.
A tearful Theresa May says serving as prime minister has been "the honour of my life", saying she is proud to have been the second female leader of the UK
— BBC Breaking News (@BBCBreaking) 24 мая 2019 г.
Live updates: https://t.co/uYam3l51Iz pic.twitter.com/5apujgBm4f
Маалыматта премьерликтен кетүүгө Тереза Мэйди Brexit боюнча Евробиримдик менен жаңыланган макулдашууга нааразы болгон партиялаштары менен өкмөт мүчөлөрү мажбур кылганы айтылат.
Белгилей кетсек, Мэй аталган кызматка 2016-жылдын июль айында партия кризиске тушугуп турганда келген. Дал ушул учурда партия Улуу Британиянын Евробиримдиктен чыгуусу боюнча эки жаатка бөлүнүп турган эле.
