БИШКЕК, 11-май — Sputnik. Жалал-Абаддагы мунай базасында кечээ чыккан өрт 11-майда түнкү саат 00:17де өчүрүлдү. Бул туурасында ӨКМден кабарлашты.
Өрт Жалал-Абад шаарынын Шерматов көчөсүндөгү мунай базадан 10-майда саат болжол менен 10дордо чыккан. Аталган жай саясатчы Камчыбек Ташиевдин бир тууган иниси Казыбек Ташиевге тиешелүү экени аныкталган. Кырсыктан эки киши күйүп, бири реанимацияга түшкөн. Өрт өчүрүү кызматынын бир кызматкеринин бети күйүп, облустук ооруканага жаткырылды. Май сактоочу жайдын да бир кызматкери өрттөн жабыркап, облустук ооруканага жеткирилген.
Тилсиз жоо саат 17.25те чектөөгө алынган.