БИШКЕК, 5-май. — Sputnik. Орозо айы 6-майда башталат. Бул тууралуу Кыргызстан мусулмандар дин башкармалыгынан билдиришти.
Маалыматка ылайык, бүгүн, 5-майда, өлкө аймагындагы мечиттерде тарабих намазы окулуп, мусулмандар 6-май күнү таң эрте ооз бекитет. Мындай чечимди аалымдар кеңеши кабыл алды.
Муфтияттан ошондой эле быйыл дүйнөнүн көпчүлүк өлкөлөрүндө да мусулмандардын ыйык айы 6-майда башталаарын кошумчалашты.
Эскерте кетсек, өткөн жылы Орозо айынын биринчи күнү 17-майга туура келип, Орозо айт майрамы 15-июнда белгиленген.
Орозо календары менен Sputnik Кыргызстан агенттигинин инфографикасынан таанышыңыздар.
