2019-жылдын Орозо календары: ооз бекитүү (имсак) жана ооз ачуу (ифтар) маалы

Жазылуу
Быйыл Орозо (Рамазан) айы 6-майда башталды. Так күнү айдын чыгышына жараша белгилүү болду.

Орозо айы мусулмандар үчүн ыйык деп эсептелип, алар бул айда күн чыккандан күн батканга чейин оозуна наар албай, суу да ичпейт.

Айт-намаз на старой площади Бишкека - Sputnik Кыргызстан
Дары ичпейт, чылым чекпейт! Орозодо ооз бекиткендерге 10 "болбойт"
Орозо тутуу Ислам дининин беш негиздеринин бири болуп саналат. Анда тамак-аш ичүүдөн, кудайга жакпаган иштерди жасоодон өзүн кармап, таңды күндүн чыгышына багышталган дубадан баштайт жана күндүзгү, кечки намаздарын жазбай окуйт.
Орозо таң заардан тартып күн батканга чейин созулат. Бул айдын узактыгы ай календарына жараша 29 же 30 күн болот. Орозо айында Кыргызстандын бардык облустары боюнча ооз бекитүү (имсак) жана ооз ачуу (ифтар) убактысын Sputnik инфографикасынан көрүңүздөр.
Ооз бекитүү дубасы
Навайту ан асуума савма шахри рамазаана минал фажри илал магриби, халисан лиллаахи таъаала
Мааниси: Алла Тааланын ыразычылыгы үчүн таң аткандан күн батканга чейин Рамазан айынын орозосун кармоого ниет кылдым
Ооз ачуу дубасы
Аллоохумма лака сумту, ва бика ааманту, ва ъалайка таваккалту, ва ъалаа рызкика афтарту, факфирлии маа коддамту ва маа аххарту
Мааниси: Алла таалам, Өзүңө чындап ишендим, Өзүңө таяндым, Өзүң берген ырыскы менен ооз ачуудамын. Баштан аяк кетирген ката, күнөөлөрүмдү кечир

Жаңылыктар түрмөгү
0