Рафаэль Физиев: милиционер болуп иштебей калганыма кээде өкүнөм

© Sputnik / Александр Гальперин Рафаэль Физиев Санкт-Петербург шаарындагы маек учурунда.
 Рафаэль Физиев Санкт-Петербург шаарындагы маек учурунда. - Sputnik Кыргызстан
Жазылуу
Бүгүн бир нече сааттардан кийин Санкт-Петербург шаарында боло турган UFC Fight Night 149 турниринде Рафаэль Физиев рингге Кыргызстан жана Азербайжандын желеги менен чыгат.

Атаман деген каймана аты бар кыргызстандык Рафаэль Физиев дагестандык Магомед Мустафаев менен беттешмекчи. Кыргызстандык мушкер атаандашын күчтүү спортчу деп эсептеп, беттештин жыйынтыгына божомол айта албай турганын, бирок таймаштарына дайым жеңиш үчүн келерин белгиледи. Спортчу менен Sputnik агенттигинин кабарчысы Алексей Стефанов баарлашкан. 

© Sputnik / Александр Гальперин / Медиабанкка өтүүРафаэль Физиевдин апасы — орус кызы, ал эми атасы азербейжан. Өзүн азербайжанмын деп эсептеген мушкер Кыргызстанда чоңойгон.
Рафаэль Физиев: милиционер болуп иштебей калганыма кээде өкүнөм - Sputnik Кыргызстан
Рафаэль Физиевдин апасы — орус кызы, ал эми атасы азербейжан. Өзүн азербайжанмын деп эсептеген мушкер Кыргызстанда чоңойгон.

"Мустафаевдин беттештерин көрүп жатабыз, көбүнесе соккуларга басым жасайт. Ал эми Дагестандын мындай мушкерлери күрөштө да мыкты. Баарын беттеш көрсөтөт. Менин ММА боюнча карьерамдагы эң оор сыноо болмокчу", — деди Физиев Sputnik агенттигинин кабарчысына.

Турнир, посвященный открытию Федерации ММА в Кыргызстане - Sputnik Кыргызстан
UFC мушкери Рафаэль Физиев: Конор менен Хабиб мендей эле мушкер, утса болот
Белгилей кетсек, Рафаэль Казакстанда төрөлгөн, бирок мекени катары Кыргызстанды эсептейт. Анткени бүлө чек арада жашап, милиция кызматкери болгон атасы күнүгө Бишкекке каттап турчу. Мындан улам, 2005-жылы үй-бүлөнүн борбор калаага көчүп келишинде таң каларлык эч нерсе жок.

"Апам — орус кызы, атам — азербайжан. Мен азербайжан элинин каада-салты менен чоңойдум, өзүмдү азербайжанмын деп эсептейм. Рингге да ишемби күнү Кыргызстан менен Азербайжандын желеги алдында чыгам", — деп түшүндүрүп берди мушкер.

Физиев спорт менен профессионалдык түрдө Бишкекке көчүп келгенден кийин гана машыга баштаган. 

© Sputnik / Александр Гальперин / Медиабанкка өтүүФизиев: алгач атам уюштурган мелдештерде бир туугандарым менен мушташып жүрдүм. Бирок бир да жолу уткан эмесмин.
Рафаэль Физиев: милиционер болуп иштебей калганыма кээде өкүнөм - Sputnik Кыргызстан
Физиев: алгач атам уюштурган мелдештерде бир туугандарым менен мушташып жүрдүм. Бирок бир да жолу уткан эмесмин.

"Казакстанда айылда жашап жүргөндө атам Бишкектен UFC турнирлери жазылган видеокассеталарды алып келчү. Эки-үч жолу көргөндөн кийин мен да мушкер болом деп чыктым. Кыялданып калдым. Анан атам уюштурган алгачкы беттештериме чыга баштадым. Ал тогуз бир тууган болчу, мени менен тең туугандарым көп эле. Анан атам бир көчө толтура тестиерлерди чогултуп алып, ким ким менен чыгарын айтып түшүндүрүп, биринчи жана экинчи орун үчүн акчалай сыйлык койчу. Мен мушташканды жакшы көрөр элем. Бирок бир да жолу атамдын акчасын көргөн жокмун, дайым жеңилип калчумун", — деп күлөт Рафаэль.

Мектепти бүткөндөн кийин ал атасынын жолу менен милиционер болууну чечет. 2015-жылы училищени аяктап чыккан лейтенант Физиев "Кыргызстанда милицияны урматташпай" турганын түшүнүп, органда иштөөдөн баш тартат. Бир топко чейин олку-солку болуп жүрүп, атасы менен кеңешкенден кийин Таиландга учуп кетет. Бирок ушу кезде да кыялындагы жумушту эңсеп, өзгөчө курсташтарынын айтып бергендеринен кийин көпкө чейин кыйналарын билдирди.

Посмотреть эту публикацию в Instagram

Публикация от Rafael Fiziev (@rafael_ataman_fiziev)

Дуэль взглядов на турнире UFC Fight Night 149 в Санкт-Петербурге - Sputnik Кыргызстан
Антонина "Пантера" Шевченко: Лас-Вегастан Ысык-Көл таап алганбыз...
"Мага тай боксу болгон муай-тай абдан жагат, андагы тизе, чыканак менен жасалган соккулар, көтөрүп чапкан учурлар мыкты. Спорттун бул түрүнө Таиланддан үйрөнүү абдан кызык эле. Мен кыялыма жеттим, керек болсо ашып да кеттим окшойт. Анткени акчадан кыйналганда абдан көп мушташтым. Бир жумада бир жолу рингге сөзсүз чыкчумун, мыкты деген турнирлерге катышып, шумдук делген спортчулар менен кездештим. Бирок мени мындан эмес, "Матрица" тасмасындагы Нео сымал буйтап кеткенимен кийин байкашты", — деп эскерди мушкер.

Белгилей кетсек, ал беттеш Таиланддын Пхитсанулок шаарында Toyota Marathon эл аралык турниринде болгон. Физиев укмуштуудай ийилчээктигин көрсөтүп, далысын жерге тийгизбестен атаандашынын соккусунан буйтап кеткен. Бул ирмем тартылып калган видео бир нече күн ичинде эле эки миллион жолу көрүлүп, кыргызстандык спортчу бир заматта атактуу болуп чыга келген. Ошол учурду эстеп жатып Рафаэль антип кокусунан эле буйтаганын, андан мурунку беттеште кабыргасы жабыркап, кыймылдаган сайын денеси катуу ооруксунганын айтып берди. 

© Sputnik / Александр Гальперин / Медиабанкка өтүүФизиев: бир жумада бир жолу рингге сөзсүз чыкчумун, мыкты деген турнирлерге катышып, шумдук делген спортчулар менен кездештим. Бирок мени мындан эмес, "Матрица" тасмасындагы Нео сымал буйтап кеткенимен кийин байкашты.
Рафаэль Физиев: милиционер болуп иштебей калганыма кээде өкүнөм - Sputnik Кыргызстан
Физиев: бир жумада бир жолу рингге сөзсүз чыкчумун, мыкты деген турнирлерге катышып, шумдук делген спортчулар менен кездештим. Бирок мени мындан эмес, "Матрица" тасмасындагы Нео сымал буйтап кеткенимен кийин байкашты.

"Мен антип Кыргызстанда жүргөндө деле буйтачумун. Машыгууда да көп ийилип-чоюлчумун. Бирок беттеште бир да жолу андай кыла алган эмесмин. Анда таиланддык мушкер менен бет келгем, тизеси менен капталга тепти. Кемирчегим сынып кетиптир, андан кийин төрт айдай дарыланып жүрдүм. Бирок ал мушкерди нокдаунга кетиргем. Экинчи беттеште атаандашым улам эле тизеси менен капталга тебе берди, жөн эле бычактап жаткандай. Анан анын соккуларынан кача баштадым, үч жолу жерге өтө жакын келип буйтап кеттим. Таиланддыктар абдан таң калышкан. Анан эле ролик пайда болуп калды, баары сөз кыла башташты. Ошентип байкалып калдым окшойт", — деди Физиев.

Дал ошол беттештен кийин Phuket Top Team клубу Рафаэлди "ринг падышасы" атап, мушкер аралаш мушташтын жылдызына айланды. Ал эми Санкт-Петербургдагы беттешүү Физиев үчүн UFC алкагындагы алгачкы таймаш болуп калмакчы.

Жаңылыктар түрмөгү
0