БИШКЕК, 20-апр.— Sputnik. Кыргызстандын аймагынын көпчүлүк аймактарында 21-апрелде жамгыр жаашы, күн күркүрөшү, бийик тоолуу райондордо кар түшүшү күтүлөт. Бул тууралуу Кыргызгидромет билдирет.
Чүй, Талас, Ош, Жалал-Абад жана Баткен облустарынын айрым жерлеринде, Ысык-Көл облусунун чыгышында жаан-чачын катуу болушу мүмкүн.
Ысык-Көлдө күндүн табы +15…+20 градуска көтөрүлсө, Нарын өрөөнүндө +17…+22 градус жылуу болот.
Ош, Баткен жана Жалал-Абад облустарында абанын температурасы +17…+22 градуска жогорулайт.
Бишкек жана Ош калааларында мезгил-мезгили менен жамгыр жаашы күтүлөт. Батыштан соккон шамалдын ылдамдыгы Ош шаарында секундасына 4-9 метрди түзөт. Ал эми Бишкекте шамалдын ылдамдыгы секундасына 4-9 метрден, 15-20 метрге чейин жетиши мүмкүн.
Абанын температурасы Ош шаарында +18...+20 градус болот. Бишкекте күндүн табы +15…+17 градуска чейин жетет.
