БИШКЕК, 15-апр. — Sputnik. Казакстан президенти Касым-Жомарт Токаев кечээ, 14-апрелде, Өзбекстанга мамлекеттик сапар менен барды. Бул туурасында Sputnik Өзбекстан билдирди.
Ташкенттеги эл аралык аба майданда жогорку даражалуу конокту Өзбекстандын премьер-министри Абдулла Арипов тосуп алган.
Сапардын негизги иш-чаралары бүгүн, 15-апрелде, Көк-Сарай резиденциясында болот. Президенттер тар чөйрөдө жана делегациянын катышуусунда кеңири курамда жолугуп, сүйлөшүүлөр уланат. Анда аймак аралык өз ара кызматташуу, эки тараптуу алакаларды бекемдөө туурасында кеп болот. Сүйлөшүүлөрдүн жыйынтыгы менен маанилүү делген бир катар документтерге кол коюлушу күтүлүүдө.
Токаевдин президент катары биринчи сапары Россияга жасалган.
2019-жылдын 19-мартында Нурсултан Назарбаев Казакстандын президенттигинен кетип, ордуна 20-мартта Касым-Жомарт Токаев келген.
