БИШКЕК, 1-апр. — Sputnik. Клофазимин деп аталган антибиотикти эмчек рагынын оор түрүнө химиотерапия жасап жаткан маалда колдонуп, шишиктин өсүшүн жана метастазанын жайылышын токтотууга болот. Бул тууралуу Женева университетинин трансляциялык онкология факультетинин профессору,
Иликтөө Cancer letters басылмасына чыкты. Анда клофазимин шишикти өсүшүн, метастазанын жайылышын шарттаган Wnt-сигналдарынын жолун бууп коюуга жөндөмдүү экени айтылат.
"Бүгүнкү күнгө чейин Wnt-сигналдарынын функцияларын токтото алчу дары-дармек жок болуп келген. Аны алдыңкы клиникалык изилдөөлөр да таба алган эмес. Биз чычкандарга тажрыйба жүргүзүп, клофазимин шишиктин өсүшүн токтото аларын далилдедик", — деди илимпоз.
Аталган каражаттын белгилей кетчү өзгөчөлүгү — анын терс таасиринин аздыгында. Окумуштуулар жүргүзүлгөн иликтөө эми масштабдуу изилдөөлөргө жол ачарына ишеним артышууда.
