БИШКЕК, 5-мар. — Sputnik. АКШ президенти Дональд Трамп Россияга карата 2014-жылы жарыяланган санкцияларды узартып койду. Бул кадамын ал Украинадагы абалга байланыштуу деп түшүндүргөнүн РИА Новости жазды.
3 Жалган Куран 2019, 12:55
Конгресске жөнөтүлгөн билдирүүгө караганда, Барак Обама жарыялаган санкциялар ушул жылдын 6-мартынан тарта улантылат.
Президенттин айтымында, Украинадагы абалдан тышкары Россия өкмөтүнүн күч түзүмүнө байланыштуу чечимдери АКШнын коопсуздугуна жана сырткы саясатына коркунуч жаратууда.
Ал эми Россия Украинанын ички саясатына кийлигишпей эле турганын, санкциялар тилинде сүйлөшүү пайдасыз экенин айтып келет. Анткен менен акыркы мезгилдерде Батышта Россияга каршы санкцияларды токтотуу боюнча пикирлер көбүрөөк айтыла баштады.
