Sputnik Кыргызстан агенттиги азыркы бийлик башында турган башка бир туугандарды тизмектеп көрдү.
Арасында өлкө башында турган адамдардан тарта, элчи, акимине чейин бар.
Жээнбековдор
Жумабековдор
Өлкөнүн экинчи адамы, Жогорку Кеңештин төрагасы Дастан Жумабеков Травматология жана ортопедия илим изилдөө борборунун директору Сабырбек Жумабековдун иниси. Баса, Сабырбек Артисбекович 2010-2011-жылдары саламаттык сактоо министри болуп эмгектенген. Ал учурда Дастан Жумабеков катардагы депутат болчу.
Түлөбердиевдер
Мамлекеттик мүлктү башкаруу фондусун эки жылдан бери башкарып келе жаткан Ренат Түлөбердиевдин иниси Асхат Түлөбердиев дагы бул жааттан анча алыс эмес тармакты башкарат. Ал "Бишкек башкы архитектура" ишканасынын жетекчиси.
Алимбековдор
Мариповдор
Парламенттин эки жолку депутаты Асамидин Мариповдун эки уулу мамлекеттик кызматта. Биринчиси — Улукбек Марипов Эсеп палатасынын төрагасы. Экс-президент Алмазбек Атамбаевге жардамчы болгон жайы бар. Кичүүсү — Бакытбек Ноокат районунун Кыргыз-Ата айыл өкмөтүн башкарат.
Исаевдер
Бул бир туугандардын башынан кара булут айланып барып өтүп кетти көрүнөт. Депутат Канат Исаев учурунда коорупция, массалык башаламандык уюштуруу жана бийликти күч менен басып алуу боюнча айыпталып камакка алынган. Кийин ал иштеринин бири кыскартылган. Былтыр үй камагына чыгарылып, учурда кайрадан Жогорку Кеңеште отурат. Агасы Талантбек Исаев 2017-жылы ИИМдин атайылаштырылган мамлекеттик күзөт башкы башкармалыгынын жетекчилигинен четтетилген. Ага чейин ИИМдин Жол кайгуул кызматын башкарып, өзү рейддерге чыгып, катардагы кызматкерлерди тоготпогон бир топ унааларды кармап, айыпка жыгып жүргөнү эсибизде. Баса, ал акыркы кызматынан четтетилгенден кийин бир жыл бош жүрүп, ошол эле ишине 2018-жылдын 11-октябрында кайтып келди.
