БИШКЕК, 25-фев. — Sputnik. Кыргызстандык спортчу Шахриза Халилова Бишкекте өтүп жаткан K-1 Pro Max эл аралык турниринде өзбекстандык атаандашы Мухае Эркинованы жеңип алды. Бул туурасында Sputnik Кыргызстан маалымат агенттигинен кабарчысы жеринен билдирди.
Ушул тапта борбордогу Кожомкул атындагы Спорт сарайында кикбокс боюнча профессионалдар арасында эл аралык турнир болуп жатат.
17 Бирдин айы 2019, 16:17
Анда Халилова 57 килограмм салмакта өзбек спортчусу Эркинова менен үч раунд (үч мүнөттөн) кармашып, жыйынтыгында калыстардын чечими менен жеңишке ээ болду. Ал беттештин жүрүшүндө тажрыйбалуу экендигин тастыктай алды.
26 жаштагы Шахриза Халилова тайбокс (WMF) боюнча дүйнөнүн үч жолку чемпиону, кикбокс боюнча Азия чемпиону жана Дүйнө кубогунун жеңүүчүсү, ошондой эле бокс боюнча КРдин чемпиону.
Ал эми 19 жаштагы атаандашы Мухае Эркинова кикбокс жана пенчак силат боюнча Өзбекстандын чемпиону.
