БИШКЕК, 16-фев. — Sputnik. Чүй облусунун Москва районундагы Мураке айылында пайдубалы 2014-жылы түптөлгөн мектеп толук курулуп бүттү. Бул тууралуу Архитектура, курулуш жана турак жай-коммуналдык чарба мамлекеттик агенттигинин маалымат кызматы билдирди.
Ага ылайык, мектепке 150 бала батат. Аны курууга 50 миллион 468,5 миң сом жумшалган.
Строительство школы имени С. Бегалиевой в селе Мураке
© Фото / пресс-служба Госстроя КР
"Мектепте физика, химия, информатика кабинеттери каралган. Андан сырткары, жабык спорт зал менен ашкана дагы бар", — деп айтылат маалыматта.
Учурда мектепке парталар коюлуп чет жакасы иретке келтирилүүдө.
"Эски мектеп 1933-жылы курулгандыктан авариялык абалга келип, сабак өтүүгө кооптуу болуп калган. Андыктан жаңы мектеп куруу мезгилдин талабы болчу",- деп айтылат агенттик тараткан билдирүүдө.
