БИШКЕК, 31-янв. — Sputnik. Бишкек шаарын кара түтүн капташына ТЭЦ менен жеке секторлордун от жагуусу себеп. Унаалардын буга тиешеси жок. Бул тууралуу Кыргыз-Россия Славян университетинин метеорология, экология жана айлана-чөйрөнү коргоо кафедрасынын жетекчиси Андрей Подрезов Sputnik Кыргызстан агенттигинде өткөн маалымат жыйын учурунда билдирди.
"Кара түтүндүн пайда болушуна негизги ролду автотранспорт ойнобойт. Буга негизинен ТЭЦ менен жеке секторлордон чыккан түтүн себеп. Ал эми унаалардын түтүгүнөн чыккан газ чайнектин оозунан чыккан буудай эле", — деди Подрезов.
"Мындай көйгөйгө XIX кылымда Лондон тушуккан. Себеби алар үйлөрүн отун жагып жылытышчу. Кийин англиялыктар от жагууга тыюу салып, ток менен жылытууга өтүшкөн", — деп кошумчалады эксперт.
Кыргыз-Россия Славян университетинин метеорология, экология жана айлана-чөйрөнү коргоо кафедрасынын станциясы Бишкектеги аба нормадан 4-7 эсе, кээде 7-17 эсе көп булганганын көрсөткөн.
