БИШКЕК, 21-янв. — Sputnik. Бүгүн көпчүлүк күйөрмандар күтүп жаткан футболдук беттеш болот. Анткени кыргыз футболчулары менен Бириккен Араб Эмирлигинин командасы оюн талаасында күч сынашмакчы.
Азия кубогунун чейрек финалы Абу-Даби шаарында Бишкек убактысы боюнча саат 23.00дө башталат.
Кыргызстандын курама командасы буга чейин кытайлыктар менен түштүккореялыктарга жеңилип калган. Бирок үчүнчү оюнда филиппиндиктерди 3:1 эсебинде жеңип, өз тайпасында үчүнчү орунду ээлеп плей-оффко чыккан. Ал эми БАЭ өз тайпасында биринчи орунду алган.
Эгер Кыргызстан чейрек финалга өтүп кетсе, Австралия — Өзбекстан беттешинин жеңүүчүсү менен ойнойт.
Оюнду КТРК Спорт телеканалы түз алып көрсөтөт. Мындан сырткары, күйөрмандар өздөрүнчө чогулуп соода борборлордон көрүшмөкчү.
