БИШКЕК, 5-янв. — Sputnik. Бүгүн Бириккен Араб Эмирлигинде футбол боюнча Азия кубогу старт алат.
Ачылыш аземи Бишкек убактысы боюнча 20:30да, ал эми беттеш 22:00дө башталмакчы. Оюнду толугу менен КТРК Спорт каналы түз алып көрсөтөт.
2 Үчтүн айы 2019, 09:07
Эске салсак, Кыргызстандын курама командасы аталган чемпионатка биринчи жолу катышып жатат. Улуттук команда С тобуна кирип, Кытай (7-январь), Түштүк Корея (11-январь) жана Филиппин (16-январь) менен ойнойт.
Команда башкы машыктыруучу Александр Крестининдин жетектөөсү менен өткөн жылдын декабрь айынан бери Дохада (Катар) даярдык көрүп келишкен.
Команданын медиаофицери Павел Синегубов билдиргендей, алгачкы эки беттеш Аль-Айн шаарында, үчүнчүсү Дубайда өтөт.
Беттеш аталган өлкөнүн төрт шаарында: Дубай, Абу-Даби, Аль-Айн жана Шарджда өтөт. Биринчилерден болуп талаага Бириккен Араб Эмирлиги менен Бахрейн командалары чыкмакчы.
