БИШКЕК, 2-янв — Sputnik. Азия кубогундагы беттешүүлөрдүн билетин Бишкектеги Fly Dubai компаниясынын кеңсесинен сатып алууга болорун КРдин Футбол федерациясынан билдиришти.
Билеттер үч категорияга бөлүнгөн. Тайпалык этаптагы оюндарга билеттердин баасы —25, 50 жана 75 дирхам. Чейрек финалдын билеттерине дагы дал ушундай баа коюлган. Ал эми 1430 сомдук (75 дирхам) биринчи категориядагы билеттердин саны чектелүү экени айтылды.
Башка категориядагы билеттерди жеринен же интернет аркылуу алууга болот.
Континент биринчилиги 5-январь күнү Бириккен Араб Эмирликтеринде башталат.
