БИШКЕК, 26-дек. — Sputnik. Кыргызгидромет 31-декабрга чейин аба ырайынын божомолун жарыялады.
Ага ылайык, 27-декабрда Чүй, Талас, Ош, Жалал-Абад, Ысык-Көл, Нарын облустарынын көпчүлүк аймактарына кар түшөт. Баткен облусунда жаан-чачын болбойт. Чүй, Талас, Ош, Баткен, Жалал-Абад облустарынын кээ бир райондоруна туман түшөт. Жолдор тоңуп тайгак болот. Батыштан соккон шамалдын ылдамдыгы секундасына 2-7 метрден, Ысык-Көл облусунда 15-20 метрге чейин жетиши мүмкүн.
30-декабрда түнкүсүн жаан-чачын болбойт, күндүз жаан, тоо этектеринде жана тоолуу райондордо кар жаашы мүмкүн.
31-декабрда түнкүсүн бир аз кар жаап, күндүз жаан-чачын күтүлбөйт. Жолдор тоңуп тайгак болот.
Ал эми 1-январда жаан-чачын күтүлбөйт, 2-январда кар жаайт. Абанын температурасы бир аз өзгөрүлүп турат.
