Жалал-Абаддагы дарыгер чыры: баланын атасы окуянын чоо-жайын айтып берди

© Sputnik / Михаил Алаеддин / Медиабанкка өтүүДетское отделение больницы "Тишрин" в сирийской Латакии
Детское отделение больницы Тишрин в сирийской Латакии - Sputnik Кыргызстан
Жазылуу
Наристенин атасы дарыгер окуядан сабак алат деген ой менен аны кечиргенин айтты.

БИШКЕК, 21-дек. — Sputnik. Жалал-Абадда дене табы көтөрүлүп жаткан баласын ФАПка алып барган энени дарыгер кабыл албай койду деген видео боюнча наристенин атасы Жылдызбек Осмонов түшүндүрмө берди. 

© Facebook/ Daily KyrgyzstanВрач кричала и не принимала ребенка с температурой в Джалал-Абаде. Видео
Врач кричала и не принимала ребенка с температурой в Джалал-Абаде. Видео - Sputnik Кыргызстан
Врач кричала и не принимала ребенка с температурой в Джалал-Абаде. Видео

Ал 2 жаш 6 айлык баласынын бетине кызыл тактар чыгып кеткендиктен кечээ, 20-декабрда, айылындагы ФАПка барганын билдирди.

"Баламдын медициналык картасын алган жерден дене табын өлчөтсөк, "38 градус экен тез киргиле" дешти. Дарыгерге барсак, бизден башка эч ким жок экен. Бирок бизди киргизбей "бир аз күтүп тургула" деди. 2-3 мүнөттөн кийин сурасам "азыр" деп стоматологдун бөлмөсүнө кирип кетип 15 мүнөттөй чыкпай койду. Артынан барсам, стоматолог менен жай сүйлөшүп отуруптур. Ачуум келип "эмнеге карабай жатасың?" десем, "сыртка чыгыңыз" деп кыйкырды. Андан кийинкисин видеодон көрдүңүздөр", — деди Осмонов.

Наристенин атасы видеону ким тартып, таратып жибергенин билбей турганын белгилеп, алардын жаңжалы интернетке чыкканын туугандарынан угуп таң калып отурганын айтты.

"Ошентип ФАПтын дарыгери карабай коюп, баламды Сузак райондук ооруканага алып бардык. Көрсө, аллергия экен. Ал жактан медициналык жардам алып кайра үйгө келдик. Учурда уулумдун абалы жакшы. Дарыгер ушундан сабак алса керек. Ал пендечилик кылды окшойт. Баарыбыз жаңылабыз да. Ага дооматыбыз жок, табалай берүүнүн деле кереги жок деп эсептейм. Биз аны кечирдик. Эгер бизден кетсе, андан кечирим сурайбыз", — деди Осмонов.

Ал эми дарыгердин өзү менен байланышууга мүмкүн болгон жок.

Муштум түйүп турган кыз. Архив - Sputnik Кыргызстан
Ошто кыздар кайрадан мушташтыбы? Интернетте тараган видеого түшүндүрмө
Сузак райондук Үй-бүлөлүк дарыгерлер борборунун жетекчиси Замира Орунбаева жаңжалдашкан дарыгерди бүгүн чакырып, окуянын чоо-жайын сурап, андан соң жумуштан кетиргенин билдирди.

Ошондой эле ал дарыгер өзү да туура эмес иш жасаганын моюнуна алганын белгиледи.

Дарыгердин орой мамилеси тууралуу видео социалдык тармактарга тарап колдонуучулардын сынына кабылган. Окуя Жалал-Абаддын Сузак районуна караштуу Мундуз айылында болгон. 

Жаңылыктар түрмөгү
0