БИШКЕК, 15-ноя. — Sputnik. 2018-жылы республикалык бюджеттин жалпы киреше бөлүгү 142 миллиард сомдун тегерегинде болжолдонуп жатат, бул бекитилген бюджеттен 1,1 миллиард сомго көп (бекитилгени – 140,9 млрд сом). Бул тууралуу премьер Мухаммедкалый Абылгазиев парламентте 2017-жылдын бюджетинин аткарылышы, 2018-жылдын бюджети жана 2019-2020-2021-жылдарга карата божомол боюнча мыйзам долбоору каралып жаткан учурда билдирди.
15 Жетинин айы 2018, 13:43
Ал ошондой эле чыгаша бөлүгү 157,2 миллиард сомду түзгөнүн айтып, бюджетти баланстоо үчүн мамлекеттик органдардын чыгашасы кыскартылып жатканына токтолду. Тактап айтканда, товарларды сатып алууда үнөмдөө иштери жана күнүмдүк чыгымдар 4 миллиард сомго оптималдаштырылган.
Жыл аягына чейин ИДПнын көлөмү 2,8 пайыздык деңгээлде болот деп болжолдонууда, башкача айтканда 558,4миллиард сомду түзөт. 10 ай ичинде ИДП 2 пайызга өскөн, ал эми Кумтөрдү кошпогондо ИДПнын көлөмү 2,6 пайызга көбөйгөн.
