БИШКЕК, 25-окт. — Sputnik. Баткенде карышкыр беш кишиге кол салды. Бул тууралуу Саламаттык сактоо министрлигинин маалымат кызматынын консультанты Елена Баялинова өзүнүн Facebook баракчасына жазды.
Анын айтымында, окуя Кадамжай районундагы Үч-Коргон айылында 23-октябрь күнү болгон.
Баялинова жабыркагандардын баары дарыгерлердин көзөмөлүндө экенин кошумчалады.
Буга чейин ЖМКлар карышкырлар айылга чейин түшүп келип жатканын, тургундар бир жырткычты сабап өлтүргөнүн жазган.
