БИШКЕК, 12-окт. — Sputnik. Жол кырсыктарынын алдын алуу максатында Жол кыймылы коопсуздугун камсыздоо башкармалыгынын Чүй облустук бөлүмү айдоочуларга унаа дөңгөлөктөрүн кышкыга өз маалында алмаштырууну эскертти. Бул тууралуу милициядан билдиришти.
Мекеме Өзгөчө кырдаалдар министрлигинин 13-14-октябрь күндөрү карга айланган жаан жаайт деген маалыматына таянып, Төө-Ашуу менен Боом капчыгайында этият болууга чакырат.
Мындан тышкары, айдоочулардын унаа арасындагы аралыкты сактоосу шарт экени айтылды.
Ал арада дүйнө окумуштуулары быйылкы кыштын кандай болорун да болжолдоп ийишти.
