БИШКЕК, 8-окт. — Sputnik. Маданият, маалымат жана туризм министри Султан Жумагулов каза болгонун аталган министрликтен тастыкташты.
Буга чейин ооруп жүргөн Жумагулов 8-октябрга караган түнү таңкы саат 4.00дөр чамасында ооруканада көз жумду.
Эскерте кетсек, Султан Жумагулов 1959-жылы Нарындын Ат-Башы районунда туулган. Бир катар маалымат каражаттарында иштеп, КТРК, ЭлТРди жетектеген. Андан кийин президенттин аппаратында эмгектенип, 2017-жылы маданият, маалымат жана туризм министри болуп дайындалган.
