БИШКЕК, 10-сен. — Sputnik. Бүгүн эртең менен жашыл акчанын наркы дээрлик 70 сомго жакындады. Бул тууралуу Valuta.kg порталынан билүүгө болот.
Өткөн аптада АКШ акчасын 68,54 сомдон сатып алып, 68,68 сомго сатып жатышкан. Ал эми бүгүн 10-сентябрь күнү сатып алуулар 69,65 сом, сатуулар айрым акча алмаштыруу жайларында 69,9 сомго жетти.
Улуттун банк доллар курсун ооздуктоо үчүн аракет көрө элек.
Август айынын башында доллардын куну жогорулап, айдын ортосунда 69,7 сомго чейин жетип, андан соң арзандай баштаган болчу.
