БИШКЕК, 4-сен. — Sputnik. Москванын "Курская" метросунда полицияны өлтүрдү деп шектелген теги кыргызстандык жаранга айып тагылганын РИА Новости агенттиги билдирди.
Окуя дүйшөмбүгө караган түнү болгон. Укук коргоо органдарынын билдиришинче, кармалган киши полиция кызматкерин атып өлтүргөн.
Шектүү катары Нурлан Муратов кармалган, бирок ал кылмышка тиешеси жоктугун, полиция кызматкерин атпаганын билдирүүдө. Тергөөчүлөр ок атылган тапанчаны да табышкан эмес.
Жакын арада тергөөчүлөр Муратовду камакка алуу боюнча сотко кайрыларын маалымдашты.
