БИШКЕК, 23-июл. — Sputnik. Кыргызстан менен Казакстандын ортосундагы чек арада күчү 4,6 баллга жеткен жер титирөө болду. Бул тууралуу Sputnik Казакстан агенттиги кабарлады.
Сейсмологдордун маалыматына ылайык, жер силкинүү бүгүн эртең мененки саат 8.02де болгон.
"Силкинүүнүн очогу Алматы шаарынын түштүк-чыгыш тарабынан 97 чакырым алыстыкта, 15 чакырым тереңдикте кыргыз-казак чек арасында болгону аныкталган", — деп жазылат маалыматта.
Казакстандык сейсмологдор күчү 4,3 жана 4,6 баллга жеткен дагы эки жер силкинүүнү каттаган. Алардын маалыматында, бул зилзалалар Алматы убактысы боюнча 02.23тө жана 05.06да Кытайдын аймагында жана Тажикстан, Кыргызстан жана Кытай менен чектешкен жерлерде болгон.
