Сот Албек Ибраимовдун баш коргоо чарасын тандады

© Sputnik / Максат ЭлебесовАрест экс-мэра Бишкека Албека Ибраимова
Арест экс-мэра Бишкека Албека Ибраимова - Sputnik Кыргызстан
Жазылуу
Мурдагы калаа башчысы бир нече беренелер боюнча айыпталып жатат.

БИШКЕК, 19-июл. — Sputnik. Биринчи Май Райондук соту мурдагы мэр Албек Ибраимовдун бөгөт чарасын карап, тергөө аяктаганча деп үстүбүздөгү жылдын 29-августуна чейин камакка алуу чечимин чыгарды.

Итоговая пресс-конференция Алмазбека Атамбаева - Sputnik Кыргызстан
Алмазбек Атамбаев Албек Ибраимовдун камалышы боюнча үн катты
Ибраимов буга чейин шаардык кеңештин депутаттары ага ишеним көрсөтпөгөндүктөн ээлеген кызматынан бошотулган. Тиешелүү буйрукка бүгүн премьер-министр Мухаммедкалый Абылгазиев кол койду.

Эскертке кетсек, Улуттук коопсуздук мамлекеттик комитети мурдагы калаа башчыны бүгүн, 19-июлда кармады. Атайын кызматтын билдиришинче, Ибраимов тергөөчүгө курал колдоно турганын айтып коркуткан.

Ибраимовго "ТНК Дастан" ААКсынын буюм сатып алууда жогорулатылган бааны көрсөтүү менен мекчиктештирилген каражаттары боюнча Кылмыш жаза кодексинин 171-беренесинин (ишенип берилген мүлктү ыйгарып алуу же төлөмөр болуу) негизинде кылмыш иши козголгон. 

Билдирмеге ылайык, иликтөө маалында Ибраимов аталган ишкананын башкармалыгынын төрагасы болуп туруп, коргонуу багытындагы каражатты сатып алуу үчүн ири суммадагы каражат кетчү келишим түзгөн. Мындан соң ал товар жеткирип берген тараптан акчалай сыйлык катары 270 миң доллар алганы айтылат. Ушул эле кылмыш иштин алкагында "Солнечный берег" пансионатын сатууда мамлекетке 152 миллион сом чыгым тарттырганы белгиленген.

 

 

Жаңылыктар түрмөгү
0