БИШКЕК, 11-июн. — Sputnik. АКШ президенти Дональд Трамптын тытылган кагаздарды чаптаган атайын кызматкерлери болгон. Бул туурасында РИА Новости Politico басылмасына шилтеме кылып жазды.
Трамп президент болуп келгенден кийин деле мындай адатынан арылбагандыктан, Ак үйдө тытылган кагаздарды жыйнап жана чаптаган атайын адис пайда болгон.
Ал кызмат расмий түрдө "отчеттор боюнча иштеген аналитик" деп аталып, ага жылына 66 миң доллар айлык коюлган.
Politico басылмасына берген маегинде ошондой кызматты аркалаган Соломон Лэрти мамлекеттик кызматта 30 жылдык тажрыйбасында, мындай жорукту биринчи жолу көргөнүн айткан.
"Бизге тытылган толтура кагаздарды алып келишчү. Аларды кылдаттык менен карап чыгып, тоголоктолгондорун, бырышкандарын жазып, айрындыларын таап, бири-бирине дал келтирип, скотч менен чаптап чыгышыбыз керек эле", — деп айткан ал.
Кагаздар ар кандай "образда" болгон.
"Кээ бирлери экиге бөлүп айрылса, бир катарлары майдалап тытылган. Биздин иш пазлдарды жыйнаганга окшош эле", — деп кошумчалаган Соломон Лэрти.
Ал кагаздарды жалгыз өзү чаптабастан, бүтүндөй бир башкармалык алектенгендигин айткан.
Быйыл жазында, Лэртини ал кызматтан себебин түшүндүрбөй бошотуп, ал эми админстрациядан аталган жагдай тууралуу комментарий берүүдөн баш тартышкан.
Буга чейин Социалдык тармактын колдонуучулары АКШнын президенти Дональд Трамп жубайы Меланья Трамптын колун кармоого аракет кылып жаткан видеосун талкууга алган.
