БИШКЕК, 5-июн. — Sputnik. Дүйнө жүзү боюнча Instagram сервисинин иши үзгүлтүккө учурап жатканы байкалууда. Бул тууралуу интернет ресурстардын ишине көз салган Downdetector баракчасына жарыяланды.
Маалыматка караганда, шейшемби күнү эртең менен социалдык тармактардын колдонуучулары тиркеме жакшы иштейбей жатканын айтып, арыздана баштаган.
Мүчүлүштүк боюнча АКШ, Европа, Аргентина жана Австралиянын жарандары айтып чыгышкан. Кийинчерээк көйгөй Жаңы Зеландия, Сингапур, Индонезия, Россия жана КМШ өлкөлөрүнөн байкалган.
Жалпы колдонуучулардын 40 пайызы жаңылыктар баракчасы ачылбай жатканын айтса, дагы 30 пайызы аккаунттарына кире албай жатканын маалымдашкан.
Көйгөйдүн себептери айтыла элек.
