Кытай КРдеги элчилиги турган 3,4 гектар жердин ижара акысын төлөбөй турган болду

© REUTERS / Vladimir PirogovВзрыв у здания китайского посольства в Бишкеке
Взрыв у здания китайского посольства в Бишкеке - Sputnik Кыргызстан
Жазылуу
Бишкек шаардык кеңештин депутаттарынын 24тү макулдугун беришкен.

БИШКЕК, 31-май — Sputnik. Бишкек шаардык кеңештин депутаттары Кытайдын Кыргызстандагы элчилиги турган 3,371 гектар жерди ижарадан бошотууга макул болушту. Бул тууралуу шаардык кеңештин депутаты Канатбек Музуралиев Sputnik Кыргызстан агенттигине билдирди.

Анын айтымында, бүгүн депутаттардын 24тү макулдугун берген. Ал ошондой эле кечээ, 30-майда келген дипсервистен адиси кичине туура эмес маалымат бергенин кошумчалады.

"Адис тааныштырган документте бекер (безвозмездно) деген сөз кетип калган. Аны уккандан кийин депутаттардын көбүндө "жерди Кытайга өмүр бою берет экенбиз" деген ой кеткен. Бүгүн тышкы иштер министри Эрлан Абдылдаев өзү келип, баарын түшүндүрүп берди. Кытай тарап бизге Пекинден 25 сотых жер берип, үч кабаттуу элчиликтин имаратын жана алты кабаттуу турак-жай куруп берет. Долбоордун жалпы суммасы 9 миллион долларга чамалап барат экен", — деди ал.

Музуралиев Кытайдын Кыргызстандагы элчилиги турган жер 2003-жылы эле 49 жылга ижарага берилип, алар жылына 700 миң сомдон төлөп келгенин белгиледи. Депутаттын айтымында, Кыргызстан Кытайдагы элчилиги турган жер үчүн мындан да көп каражат төлөп келген.

Китайский рынок в Хуайбэй - Sputnik Кыргызстан
Кыргызстан эми Кытайга тооктун баш-шыйрагын экспорттой баштайт
"Эми эки тарап тең бири-бирине ижара төлөбөгүдөй келишим түзүлөт", — деди ал.

Белгилей кетсек, шаардык кеңештин депутаттары 30-майдагы жыйынында Кытайдын Кыргызстандагы элчилиги турган жерди ижарадан бошотуу боюнча сунушту колдоого алышкан эмес болчу.

Кыргызстандын президенти Сооронбай Жээнбеков 6-8-июнда Кытайга расмий иш-сапары менен барат.

Жаңылыктар түрмөгү
0