Sputnik Кыргызстан кечээки күнү болгон окуялардын кызыктууларын тизмектеп, кайрадан сунуштайт.
Бишкек адаттагыдан жапжашыл. Быйыл жаз жаанчыл болуп, шаардыктардын жүдөтсө, айылдагыларды кубантып турган чак.
Бүгүн түнкүсүн мезгил-мезгили менен жаан жаап, күн күркүрөп, бийик тоолуу райондордо кар жаай тургандыгын, атургай Нарын менен Ысык-Көлдө үшүк жүрөрүн Кыргызгидромет билдирди. Бишкек менен Ош шаарларында күндүз жаан жаайт. Борбор калаада күндүн табы 20…22 градуска чейин көтөрүлсө, Ош шаарында 21…23 градус жылуу болот.
25-майда ички иштер органдарынын 4 миңден ашык кызматкери көчөгө чыгат. Эмнеге дээрсиз?.. Эмнеге болмок эле, мектепти бүтүп жаткандарды кайтарат. Күндүз жана кеч курун унаага отуруусун көзөмөлдөйт. Кайтарганы ошол да. Болбосо буга чейин дал ушул 25-майда канча автокырсык болуп кетти… Бала аман болсун деген эле аракет…
Апамды сагынганда көйнөктөрүн кучактап жатчумун. Бул туурасында бирма боксу боюнча дүйнө чемпиону, кикбокс боюнча Азия, пенчак силат, тайбокс боюнча КРдин чемпиону Михринса Ниязованын маегинен тапсаңыз болот.
Дагы бир спортчу келин, үч баланын энеси, футболду анча-мынчалардын жакшы ойногон Нарис Оморованы жакындан билгиңиз келсе, бул видеого баш багыңыз.
Биздин сайтты олуттуу болуп карап отурасыз дейли. Бирок төмөнкү маалыматты окусаңыз, аргасыздан күлөсүз. Айтор, ууруларга эч нерсе буюрбаптыр.
Баса, кечээ таберик сүрөт чыкты! Кимдер экенин бул жерден өзүңүз карап, таап алыңыз.
Ал эми бул ата-бала түн ичинде жардам чакырып жаткан үндү угуп, агып жаткан селге аркан менен кирип барып, бейтааныш эле бирөөнү куткарып калышты. Сиздердей адамдар көп болсун!
Валюта наркы. Сомдун баасы долларга карата орто эсеп менен 68.19 (сатып алуу) жана 68.45 (сатуу) сомду түздү.
Мунай баасы. Бишкекте орточо эсеп менен алганда АИ-92 үлгүсүндөгү май 42.80 сом, АИ-95 үлгүсүндөгү бензин 45.00 сом, ал эми дизель майы 43.80 сомдон сатылууда.
Соңку сөз ордуна. Дүйнөнү жакшылык, ак пейилдик сактап турат.
Иш күнүңүздөр ийгиликтүү өтүшүн каалап, Нургүл Максутова
