БИШКЕК, 14-май — Sputnik. Бишкекте майып балдарга арналган он самртфон уурдалганын Sputnik Кыргызстан агенттигине активист Айнагүл Абдрахманова билдирди.
Анын айтымында, телефондорду сатып алууга атайын каражат чогултулган. 13-май күнү ал 10 смартфондун ар бирин 5 820 сомго сатып алган. Абдрахманова аларды Оштогу майып балдарга алып барып бермек. Саат 17.00дөр чамасында ал Исанов менен Бөкөнбаев көчөлөрүнүн кесилишинде жарым саатка машинасынан чыгып кеткен. Кайра келгенден кийин аял телефондорду таппай калган.
"Машинаны талкалап деле киришпептир. Биз балдардын IT-академиясына өтүшү үчүн эки ай бою компьютер пайдаланууну үйрөткөнбүз", — деди Абдрахманова.
Абдрахманова бүгүн Ошко командировкага чыкканын кошумчалады. Ал арызды үйүнөн жазып, милицияга жолдошу кайрыларын, гаджеттердин imei-коддору менен чектерди көрсөтөрүн айтып өттү.
