БИШКЕК, 11-май — Sputnik. Сомду жасалмалоо мүмкүн эместигин Улуттук банктын төрагасы Толкунбек Абдыгулов валютанын 25 жылдыгына арналган эл аралык конференция учурунда билдирди.
"Сомду жасалмалоого мүмкүн эмес. Биринчи күндөн тарта эле Улуттук банк коргоого өзгөчө көңүл буруп келет. Биздин алгачкы купюраларда дагы коргоонун заманбап элементтери колдонулган болчу", — деди Абдыгулов.
Анын айтымында, улуттук валютаны чыгарган компаниялар сомдон Швейцариянын франкы гана аша аларын билдиришкен.
