БИШКЕК, 6-май. — Sputnik. Ысык-Көл облустук жол кыймылынын коопсуздугун көзөмөлдөө бөлүгүнүн кызматкерлери окуучуларга жайкы каникул алдында жолдо жүрүүнүн эрежелери үйрөтүп жатышат. Бул тууралуу ИИМдин ЖКККББсынын маалымат кызматынан билдиришти.
"Милиция кызматкерлери мектептерде жол белгилеринин жардамы менен ар кандай сынактарды, оюндарды өткөрүп жатышат. Иш-чаранын негизги максаты — көлдүк окуучуларга туристтер келип, унаалардын саны көбөйгөн жайкы каникул учурунда өзүн жолдо алып жүрүүнү үйрөтүү", — деп айтылат билдирүүдө.
Маалымат кызматынан мындай иш-чара окуу жылынын аягына чейин улантыларын кошумчалашты.
