БИШКЕК, 8-апр. — Sputnik. Кыргызстанга, анын ичинен Ысык-Көлгө кирген туристтерди пансионаттарга бараткан кирме жолдордун абалы канааттандырбайт. Бул туурасында сапар премьер-миинстр Сапар Исаков Ысык-Көл районунун курорттук-ден соолукту жакшыртуучу мекемелердин жетекчилери менен болгон кеңешмеде айтты.
"Кеңешмеде Исаков тийиштүү түзүмдөр тарабынан инфраструктураны, ички жолдорду, ошондой региондогу пансионаттардын тегерегиндеги жарыктандыруу системаны жакшыртууга өзгөчө көңүл буруу керектигине басым жасаган", — деп айтылат өкмөттүн маалымат кызматы тараткан кабарда.
Өкмөт башчы Ысык-Көл облусунун айланма авто жолун реконструкциялоо жана башка региондун инфраструктуралык долбоорлору боюнча өкмөттүн пландарын айтып берген.
Буга чейин Өкмөттүн Ысык-Көл облусу боюнча атайын жана ыйгарым укуктуу өкүлү Узарбек Жылкыбаев көл аймагындагы мамлекеттик эс алуучу жайларды башкарууда бюрократтык аракеттер көп экендигине токтолгон.
