Видео регистраторго түшүп калган тасмада жеңил унаанын айдоочусу Бөкөнбаев көчөсүнөн Манас проспектисине кайрылып, түндүктү көздөй айдаган кезде каршы тилкеге чыгып алган 215-маршрутка жолду тосуп калганын көрүүгө болот.
Микроавтобустун айдоочусу жеңил унаанын ээсине оң жакка кайрылып ага жол берүүсүн колу менен көрсөткөн. Бирок айдоочу аны укпастан, ордунда тура берген.
Манас проспектисинде кетип бараткан башка унаалардын бардыгы түндүктү көздөй жүрүп, экинчи сызык бошогондо гана маршрутканын айдоочусу өз жолуна түшкөн.
ИИМдин ЖКККББсы аталган факты каттоого алынып, 08 724 ABF мамлекеттик номериндеги 215-маршрутканын айдоочусунун ким экени такталып жатканын билдиришти.
