Эсил кайран СССР убагында жашыл шаар атка конгон Бишкектин азыркы абалы көпчүлүк кишини канааттандарбайт. Анткени шаардын ичиндеги жана чет жакасындагы бактар кыйылып, кычкылтектин булагы болгон бак-дарактар талкаланууда. Өзгөчө Бишкектеги ботаникалык бак алкымы чоңдорду кызыктырып, түн уйкусун бөлүп бушайманга салды. Борбор Азияда өсүмдүктөрдүн түрдүүлүгү боюнча эң алдыңкы бул бактын азыркы көрүнүшү кандай? Кызыгып көрдүңүз беле?
Жаздын келиши менен көпчүлүктү бушайман кылган көйгөй бул — "ии, арыктасам болот эле" деген маселе. Кышты-кыштай май-чучукту сугуна берип фигуранын "фысын" да унутуп каласың… Албетте, мунун баары тамаша. Менин айткандарыма арданып калбаңыз. Анткени кошкон салмактан арылуунун жолун диетолог айтып берди.
Кыргызстандын футболчулары Азия чемпионатына катыша турган болду. Кечээ, 22-мартта, улуттук команда Мьянма менен ойноп 5:1 эсебинде жеңишке жетти. Оюнду ар кандай себептер менен көрбөй калсаңыз диванга ыңгайлуу отуруп алып видеосун көрүңүз.
Валюта наркы. Сомдун баасы долларга карата орто эсеп менен 68.04 (сатып алуу) жана 68.26 (сатуу) сомду түздү.
Мунай баасы. Бишкекте орточо эсеп менен алганда АИ-92 үлгүсүндөгүсү 41.80 сом, АИ-95 үлгүсүндөгүсү 44.50 сом, ал эми дизель майы 42.50 сомдон сатылууда.
Соңку сөз. Жаратылышка суктануу менен аны келечек муунга татыктуу калтырып кетели деген тилек менен Расул Үсөналиев.
