БИШКЕК, 15-мар. — Sputnik. Кыргызстандын тышкы иштер министринин биринчи орун басары Динара Кемелова Казакстандын Кыргызстанга дайындалган жаңы элчиси Карим Кокрекбаев менен жолугушканын аталган ведомство билдирди.
10 Бирдин айы 2018, 12:28
Маалыматка ылайык, Кемелова элчликке дайындалган Кокрекбаевди куттуктап, ишине ийгилик каалаган.
Министрдин орун басары менен элчи алдыда боло турган эки тараптуу жолугушууларды талкуулашты. Мындан тышкары, өзгөчө көңүл мамлекеттик чек арадагы "Ак-Жол", "Кеңбулуң" жана "Токмок" өткөрүү пунктуларынын ишин жакшыртуу, суу-энергетикалык жана маданий-гуманитардык кызматташуу, ошондой эле туризмди өнүктүрүү маселелери каралды.
Эскерте кетсек, Кокрекбаевге чейин элчиликти аркалаган Айымдос Бозжигитовдун дипломатиялык миссиясы 10-февралда аяктаган.
