Бул үй-бүлө былтыркы жылдан бери Чүй облусундагы Маевка айылындагы ижарага алынган кичинекей бөлмөдө күн кечирип келет.
Атын айткысы келбеген кошуналардын бири кыздын денеси дайыма көгала болуп жүргөнүн, бирөө менен бейчеки сүйлөшкөндөн корккондугун баяндады.
"Эшикке чыгарчу эмес, баладай болуп ойночу да эмес, жуунтуп да койчу эмес. Балдарын бактырчу. Бети-башы көгала болгондуктан, тышка чыкканда башына капюшонун, бетине маска кийгизип койчу. Ал эми ким сабады десек, байкесин айтар элек. Бирок атасы менен энесинин урганын көзүбүз менен көргөн эмеспиз. Мамасы кызды дайыма балдардын тамагын, кашаларын жеп, эч нерсени үйдөн койбой жатат деп айтканын укканбыз", — деди кошунасы.
Акыркы ирет 10-мартта кыздын катуу таяк жегенин көргөн коңшулар милиция чакырган. Анда атасы кызын тил укпай койгону үчүн уруп койгонун айткан. Бирок кыз кийинчерээк аны атасы эмес, балдардан каткан нанды жеп койгону үчүн өгөй энеси сабап койгондугун айтып берген.
Акыйкатчы аппаратынын кызматкерлери ооруканага барып кызга жолугуп, окуянын чоо-жайын сураштырганда, ачка болуп үйдөн нанды сурабай жегени үчүн өгөй энеси таяктаганын айткан.
Учурда аталган факты боюнча Аламүдүн РИИБи тарабынан Кылмыш жаза кодексинин 105-беренеси (денеге атайылап залал келтирүү) боюнча кылмыш иши козголду.
