БИШКЕК, 6-мар. — Sputnik. Шаршемби күнү Чүй, Талас, Ош, Жалал-Абад, Баткен облустарында мезгил-мезгили менен жаан жаап, тоо этектеринде жана тоолуу райондордо кар жаашы күтүлөт. Бул тууралуу Кыргызгидромет билдирди.
Тоолуу райондордо жолдор тоңуп, тайгак болот. Батыштан соккон шамалдын ылдамдыгы секундасына 4-9 метрден кээ бир райондордо 15-20 метрге чейин жетет.
Чүй менен Таласта 3…8 градус жылуу болсо, Ош, Жалал-Абад жана Баткен облустарында күндүн табы 8…13 градуска дейре жетет. Ысык-Көлдө 6…11, Нарында 2…7 градус нөлдөн жогору болот.
Бишкек шаары менен Ош калаасында жамгыр жаап, 8…10 градус жылуу болушу күтүлөт.
