БИШКЕК, 4-мар. – Sputnik. Кытай депутаттары өз жыйынында социалдык реформаларды, анын ичинен үчүнчү перзенттүү болууга уруксат берүү маселесин талкууламакчы. Бул туурасында РИА Новости Global Times басылмасына шилтеме кылып кабарлады.
2015-жылдын күз айында Кытай бийлиги бир гана балалуу керек деген мыйзамды жокко чыгарган. Аталган мыйзам 1970-жылдан бери келе жаткан.
Кытай башчысы Си Цзиньпин бул калкты теңдештирип жана мамлекеттин өнүгүшүн шарттай турган кадам деп айткан.
Мамлекеттик статистикалык бюронун билдиргенине караганда, 2017-жылы Кытайда 17,23 миллион бала жарык дүйнөгө келген. Бул мурдагы жылга салыштырганда 630 миңге аз болгон.
Анткен менен 2000-жылдан бери эсептей келгенде, жарык дүйнөгө келгендердин саны 2016-жылы эң көп деп белгиленген.
Ал арада Кыргызстандын Мамлекеттик каттоо кызматы кыргызстандык канча жаран кытайлыктар менен үй-бүлө курганын айтты.
