БИШКЕК, 5-фев. — Sputnik. Ош облусунда акыл-эсинен айныган кыргызстандык жаранга айдоочулук күбөлүк берилген. Бул тууралуу Башкы прокуратуранын (БП) маалымат кызматынан кабарлашты.
Факты 2014-жылы эле аныкталган, бирок прокуратура муну 2018-жылдын 4-февралында гана жарыялады.
26 Үчтүн айы 2018, 20:26
Маалыматка караганда, К.Ы. аттуу жаран мындай диагноз менен 2002-жылдын 8-октябрынан тарта Ош облустук клиникалык психиатриялык ооруканасы менен Ноокат райондук үй-бүлөлүк медицина борборунда каттоодо турат.
Бирок ага карабастан 2014-жылдын 30-январында Ош облустук каттоо жана экзамен алуучу бөлүмдүн кызматкерлери "ВВ1-СС1" категориясындагы айдоочулук күбөлүк беришкен.
Аталган факты боюнча Ош облустук прокуратурасы тарабынан Кылмыш жаза кодексинин 304 (кызматтык абалын кыянаттык менен пайдалануу) жана 350-беренелери (жасалма документ даярдоо) боюнча кылмыш ишин козгоду.
Тилекке каршы, Кыргызстанда акыл-эси ордунда, бирок жол эрежесин уруп ойнобогон айдоочулар дагы аз эмес.
