БИШКЕК, 25-янв. — Sputnik. Мектептеги "Тикенек" дубал гезити, айтылуу "Чалкан" журналы эсиңиздеби? Ушуларга чыгып калбасак экен деп далай киши безилдечү эле го.
Бишкектик айдоочулар дагы уялып калар бекен деп "Чалкан" рубрикасын баштадык. Ага Sputnik Кыргызстан агенттигинин Telegram мессенджериндеги "Бишкек сегодня" каналына келген жана социадык тармактардагы жол эрежелерин бузган унаалардын сүрөттөрүн, видеолорун жарыялап турабыз.
Бул унаа Бишкектеги мектептердин биринин жанында токтоп турат. "Окуучулар өтчү жол чийинден алысыраак токтотпойсузбу" деген ата-эненин өтүнүчүнө айдоочу "айланып өтсүн" деп жооп берген.
Facebook тармагынын колдонуучулары ИИМдин Баңгизаттарды мыйзамсыз жүгүртүүгө каршы күрөшүү бөлүмүнүн кызматкеринин кийимин кийген адам номери жок унааны айдап жүргөнү боюнча талашып-тартышты.
Москва көчөсүндө эч нерсе болбогондой каршы тилкеге чыгып кеткен эргул.
Каршы тилке менен зуулдап бараткан дагы бир жолтандабас
Бишкекте каршы тилкеге чыкканды чакан автобустардын айдоочулары дагы жакшы көрөт
Манастан Чубак кем бекен?..
Кичи райондордун бириндеги үйлөрдүн тротуарына токтоп алган Lexus LX470
Бул үйдө жашаган жаш энелер унаалар токтоп алгандыктан, коляска сүйрөп өтүүгө жол калбай каларын айтып даттанышат
Ошол эле жердеги Ford унаасы
New ТВ каналынын логотиби тартылган унаа туура эмес жерге токтоп алган
Токтогул жана Үсөнбаев көчөлөрүнүн кесилиши. №5 гимназия менен "Звездочка" мектебинин ортосундагы тротуарга токтоп алган Range Rover унаасы
"Жал" кичирайонунун жогорку бөлүгүндөгү тратуар
Жөө адамдарга жол бербей, каршы тилке менен зуулдаган жолтандабас
Бул автобусту бүгүн эртең менен видеого тартып алган окурман шаардагы абанын булганып жатканына нааразы болду
