БИШКЕК, 2-фев. — Sputnik. Ушул ишемби күнү аралаш мушташ боюнча UFC Fight Night 125 турниринде Валентина Шевченко жаңы, 57 килограммга чейинки салмак категориясында күч сынашмакчы.
Новая весовая категория | ✌🏼 дня до #UFCBelem | @BulletValentina готова! pic.twitter.com/ZdSL1qqg8q
— UFC Russia (@UFCRussia) 2 февраля 2018 г.
Мындан тышкары, кыргызстандык Шевченконун UFC октагонуна биринчи ирет чыгып жаткан бразилиялык Присцилла Кечоейранын таймашы да бүйүр кызытаары айтылууда.
Мелдештин алдында Sputnik редакциясы UFC Fight Night 125 турнирин түз алып берчү телеканалдар жана сайттар тууралуу маалымат сунуштайт.
Valentina Shevchenko vs. Priscila Cachoeira, flyweight bout | This Saturday, UFC Fight Night 125 Main Card | 10pm ET, LIVE on FS1 https://t.co/YSlAPE0VKY pic.twitter.com/rdanvcIU32
— Women's MMA Rankings (@WMMARankings) 1 февраля 2018 г.
Турнир кайда өтөт?
Иш-чара Бразилиянын түндүгүндө жайгашкан Пата штатынын Белем шаарындагы Guilherme Paraense аренасында тартууланат. Спорттук комплекс 12 миң көрүүчүгө ылайыкташкан.
Беттештер канчада башталат?
Жүгүртмөгө ылайык, болжолдуу беттештер Бишкек убактысы боюнча таңкы саат 5.00гө белгиленген. Алардын артынан саат 7.00дө негизги таймаштар өтөт. Шевченко менен Кечоейранын беттеши болжол менен саат 8.00дөн 9.00гө чейинки аралыкта болот. Убактысы башка беттештердин жүрүшүнөн улам жылып кетүүсү мүмкүн.
Кайсы ТВ жана сайттар көрсөтөт?
Түз алып берүү коммеррциялык негизде болгондуктан КР каналдарынан көрсөтүлбөйт.
Спутник телевидениеси аркылуу онлайн режимде көрүүгө болот. Төмөндө турнирди көрсөтө турган онлайн-каналдар менен сайттардын тизмеси. Эскерте кетчү жагдай, трансляцияга укугу жок каналдар жабылып калышы мүмкүн.
— UFC уюмунун "ВКонтакте" тармагындагы тобу
— "Сила ТВ" спорт каналынын сайты
— BEST of MMA тобунун "ВКонтакте" тармагынан
— ValeTudo.ru россиялык сайты
— VseMMA.ru порталы
— Rostrek.com спорт порталы
— Fighttime.ru порталы
— Cageside.ru сайты
Ал эми спутник телевидениеси аркылуу иш-чараны Американын Fox Sports каналы көрсөтөт.
